Fótboltagoðsögnin Wayne Rooney segir Alexander Isak, framherja Newcastle, ekki fara rétt að við að reyna að komast frá félaginu.

Isak vill fara til Liverpool og neitar hann að mæta til vinnu hjá Newcastle, þar sem hann hefur slegið í gegn og raðað inn mörkum undanfarin tímabil.

„Það verður mjög erfitt fyrir hann að koma aftur til baka fyrst hann neitar að æfa. Þetta snýst um traust og þetta er ekki rétta aðferðin. Kannski er hann ekki að fá réttu ráðleggingarnar,“ segir Rooney.

„Liverpool þarf líka að hugsa hvort félagið vilji fá svona leikmann, sem vanvirðir liðsféla sína og félag sitt. Það þarf að gera hlutina á réttan hátt.“

Rooney rifjar upp að hann hafi sjálfur lagt fram beiðni um félagaskipti frá Manchester United tímabilið 2010-2011, þegar hann lenti upp á kant við Sir Alex Ferguson, þá stjóra liðsins.

„Ég hef verið í þessari stöðu sjálfur. Það eru réttar og rangar aðferðir í þessu,“ segir framherjinn fyrrverandi, sem átti eftir að taka U-beygju og vera áfram hjá United í mörg ár til viðbótar.