Hans Steinar Bjarnason fyrrum fréttamaður hjá RÚV er hugsi yfir dómi úr leik ÍA og KR í gær þar sem Helgi Mikael Jóansson var með flautuna.
Eiður Gauti Sæbjörnsson framherji KR var að sleppa í gegn þegar augljóslega var togað í hann en ekkert var dæmt. Hefðu margir talið varnarmann ÍA eiga skilið að fá rautt spjald.
„Heitir þetta ekki lengur að taka af manni upplagt marktækifæri eða hvernig eru fótboltareglurnar annars núna í júlí 2025?,“ skrifar Hans Steinar sem er stuðningsmaður KR.
Heitir þetta ekki lengur að taka af manni upplagt marktækifæri 🟥 eða hvernig eru fótboltareglurnar annars núna í júlí 2025? pic.twitter.com/DaiWZGofws
— Hans Steinar (@hanssteinar) July 14, 2025
KR mistókst að skora í fyrsta sinn í Bestu deild karla á tímabilinu í gær er liðið mætti ÍA.
Það hefur gengið illa hjá KR undanfarið og er liðið í harðri baráttu ásamt einmitt ÍA sem er í fallsæti.
Ísak Máni Guðjónsson tryggði Skagamönnum 1-0 heimasigur í dag og lyfti liðinu fyrir ofan KA sem situr á botninum.
