Einn besti knattspyrnumaður í heimi, Lamine Yamal fagnaði 18 ára afmæli sínu um helgina. Það er ljóst að afmælið dregur dilk á eftir sér.

Þannig er því nú hótað að kæra Yamal fyrir það að hafa leigt dverga til að skemmta gestum í afmælinu.

Dvergarnir voru með skemmtiatriði sem nú verða kærð af samtökum þeirra sem eru smávaxnir á Spáni. Það er ólöglegt á Spáni að ráða dverga til skemmtunnar.

Yamal hefur orðið að einni skærustu stjörnu fótboltans á síðustu árum en hann hefur alla tíð verið í herbúðum Barcelona.

„Þegar fólk sem er með svona mikil áhrif í samfélaginu tekur þátt í þessu þá er þetta alvarlegra en ella,“ segir í yfirlýsinigu samtakanna.