Bjarni Helgason stjörnublaðamaður Morgunblaðsins telur útséð með það að Íslendingur geti tekið kvennalandsliðið og bætt það meira. Frá þessu segir hann í Morgunblaðinu í dag.

Bjarni telur að KSÍ þurfi að fá inn erlendan þjálfara ef sambandið ákveður að skipta út Þorsteini Halldórssyni þjálfara liðsins.

Íslenska liðið er úr leik á Evrópumótinu eftir tvo leiki í riðlakeppni, yfirlýst markmið liðsins var að fara áfram úr riðlinum.

„Ég hef rætt við þrjá ís­lenska þjálf­ara um landsliðið und­an­farna daga og þeir hafa all­ir sömu sögu að segja. Það sé óraun­hæft að ætl­ast til þess að Ísland stýri leikj­um á stór­móti, við séum ekki með leik­menn­ina í það,“ skrifar Bjarni í Morgunblaðið.

Hann sér því engan íslenskan kost í stöðunni ef Þorstein hættir með liðið. „Ef KSÍ tek­ur ákvörðun um að skipta um þjálf­ara eft­ir mótið þá er þetta rétti tíma­punkt­ur­inn til þess að fá inn er­lend­an þjálf­ara. Ein­hvern sem sér hlut­ina í nýju ljósi og kem­ur með nýj­ar og öðru­vísi áhersl­ur.“

„Í nú­tíma­fót­bolta verðurðu að geta haldið eitt­hvað aðeins í bolt­ann og ís­lensk­ir þjálf­ar­ar virðast sann­færðir um að liðið geti það ekki.“