Cristiano Ronaldo er að gera nýjan tveggja ára samning við Al-Nassr. Frá þessu hafa allir helstu miðlar greint.

Samningur Ronaldo, sem er fertugur, er að renna út en nú er ljóst að kappinn verður áfram í Sádí.

Portúgalinn gaf til kynna að hann væri á förum eftir síðustu leiktíð en svo virðist ekki vera.

Ronaldo kom til Sádí um áramótin 2022-2023 en hefur ekki enn tekist að vinna deildina þar í landi.

Þess má geta að í frétt franska miðilsins Foot Mercato segir að Ronaldo muni hafa yfirumsjón með félagaskiptaglugga Al-Nassr í sumar, hvaða leikmenn eru fengnir og þess háttar.