Sádiarabíska félagið Al-Hilal reyndi að fá Scott McTominay frá Napoli á dögunum ef marka má fréttir frá Ítalíu.

Miðjumaðurinn átti frábært tímabil í meistaraliði Napoli, eftir að hafa komið frá Manchester United síðasta sumar.

Al-Hilal vildi fá hann til að fullkomna ógnarsterka miðju sína, sem einnig inniheldur Ruben Neves og Sergegj Milinkovic-Savic.

Napoli tjáði Al-Hilal þó að félagið hefði engan áhuga á að selja, en það er spurning hvort Sádarnir geri aðra tilraun. Stjóri liðsins er Simeone Inzaghi, sem tapaði gegn Napoli og McTominay í baráttunni um Ítalíumeistaratitilinn í vor, en hann var stjóri Inter.

McTominay á þrjú ár eftir af samningi sínum við Napoli og er ekkert sem bendir til þess að þessi 28 ára gamli leikmaður fari í sumar.