Pólska knattspyrnusambandið hafnaði því að ráða Gareth Southgate til starfa. Þetta er haft eftir formanni knattspyrnusambandsins þar í landi.

Southgate hefur verið án starfs síðan hann hætti með enska landsliðið eftir tap í úrslitaleik EM fyrir ári síðan en hafði hann áhuga á að taka við pólska landsliðinu eftir brotthvarf Michal Probierz á dögunum.

Probierz lét af störfum eftir rifrildi við landsliðsfyrirliðann og stórstjörnu Pólverja, Robert Lewandowski, sem kvaðst ekki ætla að spila aftur fyrir þjóð sína undir hans stjórn.

Cezary Kulesza, formaður pólska knattspyrnusambandsins, hefur nú staðfest að Southgate hafi sótt um starfið en að því hafi verið hafnað á forgrunni þess að enski þjálfarinn hefði ekki getað tryggt liðinu árangur.

Leit pólska sambandsins að nýjum landsliðsþjálfara heldur því áfram. Liðið er í hörkubaráttu við Finna og Hollendinga í sínum undanriðli fyrir HM á næsta ári.