Mikel Arteta, stjóri Arsenal, vonar innilega að Granit Xhaka kveðji ekki félagið í janúar.
Xhaka er talinn vilja komast burt en umboðsmaður hans greindi frá samkomulagi við Hertha Berlin á dögunum.
Arteta vill þó ekki missa miðjumanninn sem spilaði ekki í 1-2 tapi heima gegn Chelsea í gær.
,,Ég vona að hann fari ekki. Hann spilaði gegn Bournemouth og gerði mjög vel,“ sagði Arteta.
,,Eftir leikinn þá leið honum illa og fann fyrir hita. Honum leið ekki vel og var í rúminu í tvo daga og þess vegna spilaði hann ekki.“
