Sparkspekingurinn Andy Gray er viss um að Jose Mourinho geti farið með Tottenham í úrslit Meistaradeildarinnar næsta sumar.

Mourinho tók við af Mauricio Pochettino fyrr í þessari viku en Tottenham komst í úrslit deildarinnar á síðustu leiktíð.

,,Ég ætla að fullyrða eitt hérna. Það kæmi mér alls ekki á óvart ef hann kæmi liðinu aftur í úrslit Meistaradeildarinnar. Ég er að segja ykkur það,“ sagði Gray.

,,Ef þeir vinna Olympiakos í miðri viku þá geta þeir gleymt keppninni þar til í febrúar.“

,,Þegar sá tími kemur þá hefur hann verið þarna í dágóðan tíma og er með sama lið og komst í úrslit í fyrra. Furðulegri hlutir hafa gerst með Mourinho.“