Liverpool og Barcelona gætu slegist um ítalska varnarmanninn Alessandro Bastoni, sem hefur verið lykilmaður hjá Inter lengi, í félagaskiptaglugganum í sumar.
Bastoni, sem er 26 ára, er samningsbundinn Inter til ársins 2028 og hefur leikið 291 leik fyrir félagið frá komu sinni frá Atalanta árið 2017. Hann á einnig 41 A-landsleik á bakinu fyrir Ítalíu og var í hópi liðsins sem vann EM 2020.
Inter ku vera til í að skoða tilboð upp á meira en 80 milljónir punda. Auk Liverpool og Barcelona hafa Arsenal, Chelsea og Manchester City einnig verið nefnd til sögunar sem hugsanlegir áfangastaðir fyrir Bastoni.
Liverpool er talið vilja bæta við heimsklassa miðverði þar sem framtíð Ibrahima Konate er í mikilli óvissu og þá er Virgil van Dijk að verða 35 ára gamall.
