Arsenal er sagt skoða möguleikann á að fá Khvicha Kvaratskhelia til liðs við sig í sumar.

Georgíski kantmaðurinn, sem leikur með Paris Saint-Germain, hefur verið einn mest spennandi leikmaður Evrópu undanfarin ár. Hann gekk til liðs við PSG í janúar 2025 eftir frábæran tíma hjá Napoli og átti stóran þátt í því að félagið vann Meistaradeildina sama ár.

Samkvæmt Independent hefur Arsenal mikinn áhuga á leikmanninum og er að undirbúa umfangsmiklar breytingar á leikmannahópnum í sumar. Félagið gæti selt einn af lykilmönnum sínum til að skapa svigrúm innan fjárhagsreglna ensku úrvalsdeildarinnar.

Einnig er talið að Kvaratskhelia sé opinn fyrir því að skipta yfir til Arsenal, sem gæti auðveldað möguleg viðskipti. Hinn 25 ára gamli leikmaður sýndi styrk sinn í Meistaradeildinni á dögunum þegar hann skoraði þrjú mörk gegn Chelsea í 16-liða úrslitum.

Arsenal telur að hann geti lyft gæðum liðsins enn frekar og styrkt sóknarleikinn verulega.