Crystal Palace heldur áfram að skoða Andoni Iraola, knattspyrnustjóra Bournemouth, sem mögulegan arftaka á þjálfarabekknum.

Iraola, sem er 43 ára gamall, hefur vakið athygli fyrir störf sín hjá Bournemouth og er sagður einn af helstu kostum Palace í leit að nýjum stjóra. Tottenham hefur einnig haft áhuga á Spánverjanum, sem er samningslaus í sumar.

Fyrr á árinu var talið líklegt að Iraola myndi framlengja samning sinn við Bournemouth, en staðan hefur breyst á síðustu vikum. Nú hefur komið í ljós að hans fyrrum félag, Athletic Bilbao, hefur einnig áhuga á að fá hann sem eftirmann Ernesto Valverde.

Sá möguleiki vegur þungt fyrir Iraola, sem lék yfir 400 leiki fyrir Bilbao á sínum ferli og á sterkar taugar til félagsins.

Gert er ráð fyrir að Iraola taki ákvörðun um framtíð sína á næstu tveimur vikum, þar sem félögin sem hafa áhuga á honum undirbúa sig fyrir sumarið.