Chelsea er sagt undirbúa tilboð í kantmanninn Said El Mala, sem leikur með Köln í Þýskalandi.
Talið er að Lundúnaliðið sé tilbúið að bjóða yfir 40 milljónir punda í þennan 19 ára gamla leikmann, sem hefur skorað níu mörk og lagt upp þrjú á tímabilinu.
El Mala hefur vakið athygli fleiri stórliða, en Chelsea er bjartsýnt á að fá hann.
Liam Rosenior og forráðamenn Chelsea eru sagðir skoða það að styrkja sóknarlínu sína í sumar og gæti El Mala orðið liður í því.
