Leon Goretzka er eftirsóttur fyrir sumarið, en nú er sagt frá því í ítölskum miðlum að bæði AC Milan og Inter hafi augastað á þessum reynslumikla miðjumanni Bayern Munchen.

Samningur Þjóðverjans er að renna út og gæti hann því farið frítt í sumar ef ekki tekst að semja um framlengingu. Arsenal hefur einnig verið sterklega orðað við leikmanninn.

Talið er að AC Milan hafi þegar sett sig í samband við fulltrúa Goretzka, en hjá Inter er enn verið að ræða málin á bak við tjöldin.

Gortzka hefur verið lykilmaður hjá Bayern lengi og varð meðal annars Evrópumeistari með liðinu 2020.