Einar Karl Ingvarsson er genginn í raðir Hauka og hefur fengið félagaskipti til félagsins, eins og sjá má á vef KSÍ.

Um er að ræða reynslumikinn leikmann sem hefur náð frábærum árangri á ferlinum og meðal annars raðað inn titlum með Val.

Einar Karl var síðast á mála hjá nágrönnum Hauka í FH, hvar hann er uppalinn, en kemur nú inn í sterkt lið sem Guðjón Pétur Lýðsson er að smíða á Ásvöllum.

Haukar, sem spila í 2. deild en ætla sér upp í sumar, hafa gefið í skyn á samfélagsmiðlum í dag að tíðinda sé að vænta, en Einar Karl hefur ekki verið formlega kynntur þar.