Samkvæmt fréttum er Nathan Aké á óskalista Barcelona í þessum félagaskiptaglugga.

Varnarmaðurinn hollenski hefur átt undir högg að sækja hjá Manchester City á yfirstandandi tímabili og hefur aðeins komið við sögu í tíu leikjum í ensku úrvalsdeildinni.

Aké, sem er 30 ára gamall, hefur því verið orðaður við brottför frá Etihad-vellinum í leit að meiri spilatíma.

Markmið Aké er skýrt, en hann vonast til að auka líkur sínar á sæti í hollenska landsliðshópnum fyrir heimsmeistaramótið sem fram fer í Bandaríkjunum í sumar. Til þess þarf hann reglulega leiktíð á hæsta stigi.

Aké hefur þegar hafnað tilboði frá West Ham og hefur einnig verið orðaður við endurkomu til fyrrverandi félags síns Bournemouth, auk áhuga frá Crystal Palace.

Nú hefur Daily Mail greint frá því að spænsku risarnir í Barcelona séu einnig áhugasamir um varnarmanninn, sem gæti því átt spennandi kost fyrir höndum á næstu vikum.