José Mourinho gæti verið á leið aftur til Real Madrid eftir ótrúlegt kvöld í Meistaradeild Evrópu sem hefur vakið mikla athygli. P

ortúgalski stjórinn, sem er 63 ára, stýrði liði sínu til dramatísks sigurs gegn sínu gamla félagi þar sem úrslitin réðust á lokasekúndum leiksins.

Benfica var yfir 3-2 þegar örfáar sekúndur lifðu leiks og Real Madrid var komið niður í níu menn. Til að tryggja sér sæti í umspilinu þurfti Benfica eitt mark til viðbótar. Mourinho tók þá óvænta ákvörðun og sendi markvörðinn Anatoliy Trubin fram í aukaspyrnu. Trubin mætti boltanum af krafti eftir sendingu frá Fredrik Aursnes og skallaði hann í netið framhjá Thibaut Courtois, markverði Madrid.

Úrslitin þýða að liðin gætu mæst á ný í umspilinu.

Samkvæmt spænska miðlinum AS gæti Mourinho hins vegar snúið aftur til Madrídar í sumar, en einnig er talið mögulegt að hann taki við portúgalska landsliðinu, sem yrði hans fyrsta landsliðsstarf á ferlinum.