Arsenal ku hafa áhuga á sóknarmanninum unga Christian Kofane hjá Bayer Leverkusen fyrir gluggann í sumar.
Kofane, sem er 19 ára, hefur vakið athygli í Bundesliga á tímabilinu og er með sjö mörk og fjórar stoðsendingar. Talið er að hann gæti kostað um 60 milljónir punda.
Fleiri félög eru sögð hafa áhuga á kappanum, þar á meðal Chelsea og Newcastle.
Einhverjar breytingar gætu orðið á sóknarlínu Arsenal í sumar, en óvissa er um framtíð manna eins og Gabriel Jesus og Leandro Trossard.
