Barcelona hefur áhuga á að halda Marcus Rashford áfram á láni frá Manchester United í að minnsta kosti eitt tímabil til viðbótar.

Samkvæmt Daily Mail vill katalónska félagið forðast að greiða um 26 milljónir punda fyrir varanleg kaup á leikmanninum og skoðar því þann möguleika að framlengja lánssamning hans.

Rashford, sem er 28 ára, hefur verið lykilmaður í sóknarleik Barcelona á lánstímanum og sýnt góða takta. Þrátt fyrir það er fjárhagsstaða félagsins talin spila stórt hlutverk í ákvörðuninni, þar sem félagið leitast við að halda kostnaði í lágmarki.

Forráðamenn Barcelona telja að áframhaldandi lán gæti verið hagkvæm lausn á meðan þeir meta hvort þeir vilji ganga frá varanlegum kaupum síðar.

Ekki er talið að United sé tilbúið í slíkan samning.