Sverrir Páll Hjaltested er kominn til FH frá ÍBV.

FH seldi framherja sinn Sigurð Bjart Hallsson til Spánar á dögunum en fær nú Sverri, sem skoraði sex mörk í Bestu deildinni í fyrra.

Tilkynning FH
Sverrir Páll Hjaltested hefur skrifað undir tveggja ára samning við Fimleikafélagið. Sverrir kemur frá ÍBV þar sem hann skoraði sex mörk í Bestu deildinni í fyrra.

“Sverrir Páll er að mörgu leyti svipaður prófíll og Sigurður Bjartur var þegar við fengum hann til liðs við okkur. Miklir hæfileikar, góður að koma sér í færi, aggresívur, með gott hugarfar og erfiður að eiga við. Við teljum að það búi enn meira í honum en það sem hann hefur sýnt undanfarin ár og það verður virkilega spennandi að fylgjast með honum hjá okkur að minnsta kosti næstu tvö árin,” sagði Davíð Þór við FH Media.