Manchester City leiðir 2-0 gegn Newcastle eftir fyrri leik liðanna í undanúrslitum deildabikarsins, en liðin mættust á heimavelli síðarnefnda liðsins í kvöld.
Antoine Semenyo kom bláliðum yfir á 53. mínútu. Nokkrum mínútum síðar hélt hann reyndar að hann væri að koma City í 0-2 en var markið dæmt af vegna rangstöðu í aðdragandanum. Umdeilt atvik sem lesa má meira um hér.
Það stefndi í 0-1 sigur þar til í blálokin þegar Rayan Cherki tvöfaldaði forskot City. Algjör skellur fyrir Newcastle en frábær úrslit fyrir gestina.
Seinni leikur liðanna fer fram í Manchester þann 4. febrúar.
