Tyrkneska stórliðið Fenerbahce er að tryggja sér þjónustu Matteo Guendouzi frá Lazio samkvæmt helstu miðlum.
Fenerbahce greiðir tæpar 30 milljónir evra fyrir franska miðjumanninn, sem hefur verið á Ítalíu í tvö og hálft ár.
Guendouzi er 26 ára gamall og á einnig að baki feril með stórliðum Arsenal og Marseille.
Hann kemur nú inn í lið Fenerbahce sem er í öðru sæti deildarinnar, 3 stigum á eftir Galatasaray og í 12. sæti Evrópudeildarinnar þegar tvær umferðir eru eftir af deildarkeppninni.
