Knattspyrnuáhugamenn um allan heim telja að „bölvun“ Aaron Ramsey hafi mögulega látið á sér kræla á ný. Aðeins fáum dögum eftir að hann skoraði sitt fyrsta mark fyrir nýja félagið sitt, UNAM Pumas í Mexíkó.
Ramsey, sem er 34 ára, gekk óvænt til liðs við lið í efstu deild Mexíkó í júlí og lék sinn fyrsta leik í ágúst. Viku síðar tryggði hann liðinu dramatískan sigur gegn Atlas Guadalajara með marki í uppbótartíma.
En eftir markið hafa stuðningsmenn rifjað upp hina illræmdu Ramsey-bölvun. Kenningin segir að í hvert sinn sem Ramsey skorar, látist einhver frægur einstaklingur skömmu síðar.
Að þessu sinni tengja stuðningsmenn mark Ramsey við andlát tískugoðsagnarinnar Giorgio Armani, sem tilkynnt var um á fimmtudaginn, en hann lést 91 árs að aldri.
Þetta væri ekki í fyrsta sinn sem slíkt samhengi er dregið upp:
Í maí 2011 skoraði Ramsey fyrir Arsenal gegn Manchester United, aðeins nokkrum dögum áður en Osama bin Laden, leiðtogi Al-Qaeda, var felldur.
Sama ár skoraði hann gegn Tottenham og Steve Jobs, stofnandi Apple, lést stuttu síðar.
Nöfn á borð við Whitney Houston, Paul Walker, Robin Williams, David Bowie, Alan Rickman, Stephen Hawking, Bruce Forsyth, June Brown og Olivia Newton-John hafa öll verið tengd Ramsey-mörkum í gegnum tíðina.
Ramsey, sem áður lék með Arsenal, Juventus og Cardiff, samdi við UNAM Pumas til eins árs og er nú aftur orðinn leikfær eftir að hafa verið frá vegna meiðsla í læri.
