Liverpool var það félag sem eyddi mest á félagaskiptamarkaðnum í sumar og það með nokkuð miklum yfirburðum.
Liverpool eyddi 426 milljónum punda í nýja leikmenn en dýrastur var Alexander Isak sem kom til félagsins í gær á 130 milljónir punda.
Áður hafði Liverpool keypt Florian Wirtz sem var dýrasti leikmaður enska boltans í stutta stund þegar hann kostaði 116 milljónir punda.
Chelsea eyddi 263 milljónum punda og Newcastle ögn minna.
Arsenal og Manchester United koma þar á eftir. Athygli vekur að Sunderland eyddi meira en Manchester City.
