Ben Chilwell, leikmaður Chelsea, gæti verið að taka mjög óvænt skref á sínum ferli aðeins 28 ára gamall.

Chilwell var um tíma einn mikilvægasti leikmaður Chelsea en meiðsli hafa sett strik í reikning hans.

Enzo Maresca, stjóri Chelsea, vill ekki nota bakvörðinn sem á að baki 21 landsleik fyrir England.

Systurfélag Chelsea gæti nú verið að tryggja sér þjónustu Chilwell en það er Strasbourg í Frakklandi.

Chilwell gerir sér enn vonir um að geta spilað á HM fyrir England á næsta ári en þyrfti að fá mikið að spila og halda sér heilum ef það á að verða að veruleika.