Bayer Leverkusen er búið að reka Erik ten Hag úr starfi stjóra eftir aðeins tvo leiki.
Þessi fyrrum stjóri Manchester United tók við í sumar. Missti hann marga lykilmenn og sá fyrir sér að stýra enduruppbyggingu á liðinu.
Hann fær hins vegar ekki tækifæri til þess þar sem Leverkusen hefur ákveðið að reka hann.
Undir stjórn Ten Hag hefur liðið tapað einum og gert eitt jafntefli á leiktíðinni. Nú tekur við landsleikjahlé sem þýska félagið nýtir í að finna eftirmann Hollendingsins.
