Maður að nafni Eike Immel hefur verið dæmdur í rúmlega tveggja ára fangelsi vegna fjársvika en þetta kemur fram í þýska blaðinu Bild.

Bild fjallar ítarlega um málið en Immel var ákærður fyrir 107 fjársvik og var tengdust flest mál því að hann hafi fengið peninga lánaða án þess að skila þeim.

Samtals er Immel talinn hafa fengið um fimm milljónir krónur í eigin vasa en hann seldi til að mynda falsmiða á leiki á EM í Þýskalandi í fyrra.

Hann var loksins dæmdur fyrir brotin á fimmtudag og þarf að skila öllum þeim peningum sem hann hefur stolið af sínum kaupendum.

Immel er fyrrum markvörður Manchester City á Englandi en hann er þekktastur fyrir tíma sína hjá Dortmund og Stuttgart.

Þessi fyrrum markvörður er 64 ára gamall í dag og lagði hanskana á hilluna árið 1997.

Hann á afskaplega athyglisvert met í efstu deild í Þýskalandi en enginn markvörður í sögu deildarinnar hefur fengið á sig fleiri mörk eða 829.