Wrexham hefur fengið höfnun frá liði Ipswich en það fyrrnefnda var að vonast eftir því að fá inn leikmanninn Nathan Broadhead í sumar.

Wrexham tryggði sér sæti í næst efstu deild Englands síðasta vetur og var tilbúið að borga 7,5 milljónir punda fyrir leikmanninn og bæta þar með félagsmet.

Broadhead er 27 ára gamall sóknarmaður en hann hefur skorað 23 deildarmörk í 75 leikjum fyrir Ipswich undanfarin tvö ár.

Kieran McKenna, stjóri Ipswich, viðurkennir að Broadhead hafi viljað ræða við Wrexham en félagið hefur engan áhuga á að leyfa honum að fara.

,,Hann tjáði okkur að hann hefði áhuga á að skoða annað tækifæri sem var í boði en eins og er þá er ekki í boði fyrir félagið að leyfa góðum leikmanni að fara,“ sagði McKenna.

Broadhead er frá Wales líkt og Wrexham en hann hefur spilað 14 landsleiki á sínum ferli og skorað tvö mörk.