Manchester United setti sig í samband við fulltrúa Carlos Baleba, leikmann Brighton, í gær og er miðjumaðurinn ungi sagður opinn fyrir skiptum á Old Trafford.
Í gær var greint frá því að United hefði virkjað samtalið við Brighton um Baleba, en ljóst er að flókið yrði að fá hann þar sem félag hans hefur lítinn áhuga á að selja. Þá er fjárhagsstaða Brighton sterk og liggur félaginu því ekki á að gera það.
United átti hins vegar jákvætt samtal við Baleba í gær og telur að það yrði ekkert mál að semja við leikmanninn sjálfan. Öllu erfiðara verður að ná samkomulagi við Brighton.
🚨🔴 Carlos Baleba didn’t close doors to Man United after direct contact with his camp.
Manchester United believe agreeing terms with Baleba terms won’t be an issue but club-to-club deal, considered very difficult.
Brighton want to keep Baleba this summer & won’t make it easy. pic.twitter.com/JiflxWe1IM
— Fabrizio Romano (@FabrizioRomano) August 6, 2025
United er á fullu að reyna að landa Benjamin Sesko frá RB Leipzig og virðist það ætla að takast. Ekki er víst hvort félagið hafi efni á hinum 21 árs gamla Baleba eftir það en Rauðu djöflarnir ætla greinilega að reyna.
Brighton hefur verið duglegt að kaupa leikmenn ódýrt og selja dýrt undanfarin ár, sér í lagi miðjumenn. Moises Caicedo og Alexis Mac Allister hafa til að mynda farið til Chelsea og Liverpool fyrir háar upphæðir.
United hefur þegar keypt þá Bryan Mbuemo, Matheus Cunha og Diego Leon í sumar. Baleba gæti orðið sá fjórði.
