Það var greint frá því fyrr í vikunni að Lars Lagerback, einn allra besti landsliðsþjálfari Íslandssögunnar, gæti ekki tekið þátt í Valsakademíunni hér á landi eins og til stóð.
Lars lenti í slysi við vinnu í garðinum sínum og þurfti að fara tafarlaust í aðgerð. Hann verður því ekki með í Valsakademíunni metnaðarfullu, en hún hefst í dag. Þar verður þó Heimir Hallgrímsson, sem þjálfaði með Lars, núverandi landsliðsþjálfar Íslands í karla- og kvennaflokki og mun fleiri.
„Ég vildi bara senda færa ykkur smá skilaboð frá gamla manninum í Svíþjóð sem getur ekki haldið sér heilum. Mér þykir svo leitt að komast ekki því ég hlakkaði svo til að koma aftur til Íslands og hitta gamla vini,“ segir Lars nú í kveðju á samfélagsmiðlum.
„En vonandi kem ég á næsta ári eða síðar á þessu ári. Hvort sem það verður hlakka ég til. Ég óska ykkur hjá Val alls hins besta. Vonandi sé ég marga leikmenn félagsins fara í landsliðið. Áfram Ísland.“
Hér að neðan má sjá kveðjuna.
