Alejandro Garnacho hefur fengið töluverða gagnrýni fyrir hegðun sína í gær en hann er í dag leikmaður Chelsea.

Garnacho var mættur á nýja heimavöll sinn Stamford Bridge í gær og sá Chelsea vinna Fulham 2-0.

Það tók þennan 21 árs gamla strák ekki langan tíma að missa einbeitinguna í stúkunni en hann var kominn í símann eftir aðeins sjö mínútur.

Garnacho var heldur lengi í símanum og var lítið að fylgjast með því sem var í gangi á grasinu sjálfu.

Stuðningsmenn Chelsea hafa gagnrýnt hegðun leikmannsins harðlega en hann kom til félagsins i gær frá Manchester United.

Argentínumaðurinn kostaði 40 milljónir punda en þrátt fyrir að vera mættur í nýja vinnu sýndi hann lítinn sem engan áhuga í stúkunni.