Manchester United hefur ekki áhuga á að lána miðjumanninn Kobbie Mainoo í sumar en hann er orðaður við brottför.

Talið er að Mainoo sé að reyna allt til að komast burt frá United þar sem hann verður líklega í varahlutverki í vetur.

Chelsea og Napoli hafa verið orðuð við strákinn sem er 20 ára gamall en hann virðist ekki vera í plönum Ruben Amorim, stjóra United.

Athletic segir að United hafi hafnað beiðni Mainoo um að fara á lánssamningi og að eini kosturinn sé möguleg sala.

Mainoo gerir sér vonir um að spila fyrir England á HM 2026 og þarf því að spila reglulega á þessu tímabili svo það verði raunin.