Oliver Glasner, stjóri Crystal Palace, getur ekki staðfest það að Marc Guehi muni spila með félaginu um helgina.

Guehi er fyrirliði Palace og einn allra mikilkvægasti leikmaður liðsins en hann er á óskalista liða eins og Liverpool.

Glasner var spurður út í hvort það væri möguleiki á að Guehi myndi spila næsta leik liðsins en gat hins vegar ekki staðfest að það verði staðan á sunnudaginn.

,,Já, allir geta séð þá leikmenn sem eru í boði fyrir okkur og sjá einnig hversu mikilvægur Marc er en ég veit það ekki,“ sagði Glasner.

,,Ég vona innilega að Marc muni spila með okkur á Villa Park og ég vona einnig að hann klári tímabilið með okkur.“