Dimitar Berbatov hefur tjáð sig um komu Benjamin Sesko til Manchester United en hann krotaði undir í gær.

Berbatov er sjálfur fyrrum leikmaður United og þekkir það vel að leiða sóknarlínuna á Old Trafford.

Búlgarinn er spenntur fyrir komu Sesko sem var flottur fyrir RB Leipzig en hefur aldrei spilað á Englandi.

Hann bendir á að bæði Joshua Zirkzee og Rasmus Hojlund hafi staðið sig vel í fremstu línu áður en þeir ákváðu að taka skrefið til Englands.

,,Ég er spenntur fyrir Sesko hjá United en á sama tíma þá verð ég að hafa varann á því Joshua Zirkzee og og Hojlund stóðu sig vel hjá sínum fyrrum félögum,“ sagði Berbatov.

,,Ég sá þá fara illa með varnarmenn og skora mörk en svo fara þeir í ensku úrvalsdeildina og eiga erfitt með að aðlagast.“

,,Þrjú eða fjögur mörk fyrir framherja, þú verður vonsvikinn með sjálfan þig. Er þetta hraði deildarinnar? Er þetta nýja liðið? Sem nía United þá þarftu að skora mörk, það er þitt hlutverk og þitt starf.“