Bryan Mbeumo segir að ákvörðunin um að fara til Manchester United hafi verið auðveld eftir samtal við stjóra liðsins Ruben Amorim.

United keypti Mbuemo frá Brentford á 71 milljón punda fyrr í sumar og eru miklar vonir bundnar við sóknarmanninn, sem vakti einnig áhuga liða eins og Newcastle og Tottenham.

„Ég ræddi við aðra stjóra til að heyra hvað þeir vildu segja en verkefnið hjá Manchester United hentaði mér mjög vel. Ég elska áskorun og mig langaði að vera hluti af þessu. Manchester United er stórt félag og þetta var stórt tækifæri,“ segir Mbuemo.

„Við viljum báðir vinna og það munum við reyna að gera. Við áttum mjög gott samtal og hann útskýrði verkefnið fyrir mér, það heillaði mig. Það er gott að hafa einhvern eins og hann hér.“