Það er óhætt að segja að nóg verði um að vera hjá íslenskum dómurum í Evrópukeppnum í vikunni.

Bríet Bragadóttir kemur til með að dæma tvo leiki í riðli í Meistaradeild kvenna. Bríet er fjórði dómari í viðureign Cardiff City FC og Athlone Town AFC sem fer fram í kvöld. Bríet er svo aðaldómari laugardaginn 2. ágúst í viðureign Agram frá Króatíu en liðið mæta sigurvegara fyrri leiksins. Báðir leikirnir fara fram á Athlone Stadium í Írlandi.

Íslenskir dómarar munu þá dæma viðureign hollenska liðsins AZ Alkmaar og finnska liðsins Ilves Tampere á morgun. Liðin mætast á Alkmaar-leikvanginum í Hollandi og er um að ræða leik í Sambandsdeild UEFA.

• Dómari – Ívar Orri Kristjánsson (ISL)
• Aðstoðardómari 1 – Birkir Sigurðarson (ISL)
• Aðstoðardómari 2 – Ragnar Þór Bender (ISL)
• Varadómari – Þórður Þ. Þórðarson (ISL)

Íslenskur dómarakvartett verður einnig á Sambandsdeildarviðureign FC UNA Strassen frá Lúxemborg og skoska liðsins Dundee United á morgun. Leikurinn fer fram á Differdange-leikvanginum í Lúxemborg.

• Dómari – Vilhjálmur Alvar Þórarinsson
• Aðstoðardómari 1 – Gylfi Már Sigurðsson
• Aðstoðardómari 2 – Kristján Már Ólafs
• Varadómari – Gunnar Oddur Hafliðason

Loks verða fjórir íslenskir dómarar á leik sænska liðsins AIK og Paide Linnameeskond frá Eistlandi í Sambandsdeildinni á morgun. Liðin mætast á Solna-leikvanginum í Stokkhólmi.

• Dómari – Helgi Mikael Jónasson
• Aðstoðardómari 1 – Egill Guðvarður Guðlaugsson
• Aðstoðardómari 2 – Eysteinn Hrafnkelsson
• Varadómari – Jóhann Ingi Jónsson