Kevin de Bruyne upplifði ansi slæman fyrsta leik sem leikmaður Napoli en hann gekk í raðir félagsins í sumar.

De Bruyne er talinn einn besti miðjumaður i sögu ensku úrvalsdeildarinnar en hann er 34 ára gamall í dag.

De Bruyne var í byrjunarliði Napoli í gær sem lék við lið Arezzo og tefldi fram nokkuð sterku liði í viðureigninni.

Belginn spilaði fyrri hálfleikinn en Arezzo kom öllum á óvart og vann 2-0 sigur – um er að ræða félag í þriðju efstu deild.

De Bruyne spilaði aðeins fyrri hálfleikinn í viðureigninni en fyrra mark Arezzo var skorað úr vítaspyrnu í þeim hálfleik og það seinna undir lok leiks.

Miðjumaðurinn er þekktastur fyrir tíma sinn hjá Manchester City en gekk í raðir Napoli á frjálsri sölu í sumar.