Andy Carroll var með tilboð frá mun stærri félögum en Dagenham & Redbridge í sumar en ákvað samt að semja við félagið.

Carroll segir sjálfur frá en Dagenham er utandeildarlið á Englandi og spilar í sjöttu efstu deild.

Carroll segir að sex eða sjö mun stærri félög hafi haft samband en hann hafði áhuga á að spila fyrir Dagenham.

Englendingurinn viðurkennir að hann hefði fengið mun betur borgað hjá þeim félögum en hann var mjög hrifinn af verkefninu sem er í gangi í Dagenham.

Carroll er fyrrum enskur landsliðsmaður og var síðast hjá Bordeaux í Frakklandi.

Hann er 36 ára gamall og er þekktastur fyrir tíma sinn hjá Newcastle, Liverpool og West Ham.