Stuðningsmenn Lyon í Frakklandi vilja ekkert meira en að eigandi félagsins John Textor stígi til hliðar og það strax.
Franska knattspyrnsambandið er búið að fella Lyon niður um deild en liðið var í efstu deild í Frakklandi og mun nú spila í þeirri næst efstu.
Textor er ásakaður um að hafa farið illa með fjármál félagsins sem varð til þess að það var á endanum dæmt niður um deild.
Margir stuðningsmenn Lyon voru mættir til að mótmæla eiganda félagsins í gær en um er að ræða eitt stærsta lið landsins.
Textor telur sjálfur að hann geti lagað stöðuna og er ekki að horfa í það að selja en ákvörðun var tekin þann 24. júní.
Lyon hefur unnið frönsku úrvalsdeildina sjö sinnum en hafnaði í sjötta sæti efstu deildar á nýliðnu tímabili.
Un chant des supporters de @OL qui réclament le départ immédiat de John Textor pic.twitter.com/3CTDCYq7JY
— Lyon Foot (@lyon_foot69) June 28, 2025
