Það verða miklar breytingar gerðar á þáttaröðinni ‘Ted Lasso’ en nú er búið að staðfest að fjórða serían sé á leiðinni.

Fyrstu þrjár seríurnar vöktu heimsathygli á sínum tíma en þar leikur Jason Sudeikis aðahlutverkið og fer með hlutverk knattspyrnuþjálfarans Ted Lasso.

Lasso er Bandaríkjamaður sem reynir fyrir sér í ensku úrvalsdeildinni án þess að vera með þekkingu á því hvernig knattspyrna virkar.

Einn af aðalleikurunum, Nick Mohammed, hefur staðfest það að margir nýir karakterar verði kynntir til leiks og verður sería fjögur töluvert öðruvísi en fyrstu þrjár.

Lasso mun þarna þjálfa kvennalið í knattspyrnu en í hvaða landi er óljóst – talið er að hann snúi heim til Bandaríkjanna.

Mohammed segir að þáttaröðin sé með önnur markmið fyrir fjórðu seríuna og er líklegt að margir af aðalleikurunum muni ekki taka þátt í því verkefni.