Newcastle hefur áhuga á að fá Joao Pedro, sóknarmann Brighton, í félagaskiptaglugganum í sumar. Telegraph segir frá.
Pedro hefur lengi verið á óskalista Eddie Howe og Newcastle og félagið áður reynt að fá hann.
Þessi 23 ára gamli Brasilíumaður hefur verið hjá Brighton í tvö ár. Hann skoraði 10 mörk og lagði upp 6 í 27 leikjum í ensku úrvalsdeildinni á nýafstaðinni leiktíð.
Talið er að Pedro myndi kosta Newcastle allt að 60 milljónir punda, en hann á þrjú ár eftir af samningi sínum við Brighton.
