Alex Telles, fyrrum liðsfélagi Cristiano Ronaldo, hefur staðfest það að hann hafi beðið stórstjörnuna um að semja í Brasilíu.

Telles lék með Ronaldo hjá Manchester United á sínum tíma en framtíð þess síðarnefnda er óljós þessa stundina.

Samningur Ronaldo við Al-Nassr í Sádi Arabíu er runninn út en búist er við að hann kroti undir framlengingu.

Telles bað Ronaldo um að íhuga skref til Brasilíu eða Botafogo þar sem hann er að spila þessa dagana.

,,Ég vildi fá að vita hvort sögusögnurnar væru sannar en hann lét mig vita af því að það væri ekkert til í þeim,“ sagði Telles en Ronaldo var orðaður við Brassana.

,,Ég bað hann um að koma til Botafogo en hann sagði að þetta væri ekki réttur tími. Hann veit sjálfur hvað er best fyrir sig.“