Fred, fyrrum leikmaður Manchester United, er í dag óvænt orðaður við endurkomu í ensku úrvalsdeildina.
Þetta kemur fram í tyrknenska miðlinum Takvim en Everton er að skoða það að fá þennan 32 ára gamla miðjumann.
Fred var fínn með United á sínum tíma þar en hann er bundinn Fenerbahce í Tyrklandi til ársins 2027.
Fenerbahce ku hafa áhuga á að fá Yves Bissouma frá Tottenham í sumar sem myndi taka við af Fred sem var áður byrjunarliðsmaður.
Fred myndi kosta Everton um 17 milljónir evra sem er ansi mikið fyrir leikmann á þessum aldri.
