CJ Egan-Riley miðvörður Burnley hefur hafnað nýjum samningi við félagið og fer frítt til Marseille í Frakklandi.

Egan-Riley er 22 ára miðvörður og var í stóru hlutverki þegar Burnley tryggði sig upp í ensku úrvalsdeildina.

Hann verður leikmaður Marseille í júlí en hann er nú að spila með U21 árs landsliði Englands.

Marseille horfir í enska leikmenn því Angel Gomes er einnig að koma frítt til félagsins en hann hefur spilað fyrir A-landslið Englands.

Gomes hefur verið hjá Lille í Frakklandi síðustu ár en hann ólst upp hjá Manchester United áður en hann hélt í ferðalag til Frakklands.