Florian Wirtz miðjumaður Bayer Leverkusen ætlar að skella sér í sumarfrí áður en hann gengur frá lausum endum við Liverpool.

Liverpool hefur náð samkomulagi við Leverkusen um kaupin og borgar félagið allt að 150 milljónir evra.

Wirtz ákvað að skella sér hins vegar í frí og mun ganga frá hlutunum þegar því er lokið.

Wirtz verður dýrasti leikmaður í sögu enska boltans en þýski miðjumaðurinn var mjög eftirsóttur. Hann hafnaði FC Bayern til að fara til Liverpool.

Wirtz er 22 ára gamall og hefur átt góð ár með Leverkusen og er orðinn lykilmaður í þýska landsliðinu.