Trent Alexander-Arnold var í dag formlega kynntur sem leikmaður Real Madrid, gekkst hann undir læknisskoðun áður en skrifað var undir allt.
Trent er á leið til Bandaríkjanna með Real Madrid þar sem félagið tekur þátt í HM félagsliða.
Trent mun klæðast treyju númer 12 hjá Real Madrid en honum var bannað að klæðast treyju númer 66 eins og hann hefur lengi gert.
La Liga leyfir ekki að fara upp í svona hátt treyjunúmer og því þurfti Trent að velja sér nýja treyju.
Talan 12 er áhugaverð en oft hafa varamarkmenn notað hana en það hefur ekki verið venjan á Spáni.
Trent átti fyrst að fara frítt til Real Madrid en félagið borgaði Liverpool nokkuð góða summu til að fá hann með á HM félagsliða.
