Trent Alexander-Arnold verður í dag formlega kynntur til leiks hjá Real Madrid. Mun honum bregða fyrir ásamt forseta félagsins, Florentino Perez, á Santiago Bernabeu eins og lenskan er með nýja leikmenn félagsins.

Trent er kominn til spænsku höfuðborgarinnar og er í góðum gír, eins og sjá má á myndinni hér neðar. Hann mun skrifa undir sex ára samning og í gær var opinverað að hann verði númer 12 hjá Real Madrid.

Hann mun ferðast með liðinu á HM félagsliða sem hefst í næstu viku í Bandaríkjunum. Þó leikmaðurinn komi á frjálsri sölu frá Liverpool greiddi Real Madrid 10 milljónir punda fyrir að fá hann fyrr og hafa hann með á mótinu.