Real Betis er að reyna að fá Antony aftur til sín frá Manchester United en félögin eru ekki sammála um í hvaða formi það á að vera.

Antony gekk í raðir Betis í janúar á láni og fór á kostum, kveikti í ferli sínum á ný eftir hörmuleg ár hjá United til þessa.

Daily Mail greinir frá því að Betis sé að reyna að fá brasilíska kantmanninn aftur á láni með 35 milljóna punda kaupmöguleika. United vill hins vegar selja hann strax í sumar.

Betis virðist ekki hafa tök á því að kaupa hann nú. Antony sjálfur er vitaskuld opinn fyrir því að snúa aftur til félagsins, en hann fór ekki leynt með hversu vel honum leið þar eftir áramót.