Gianluigi Donnarumma hefur staðfest það að hann sé ekki að leitast eftir því að yfirgefa lið Paris Saint-Germain.

Á dögunum var greint frá því að Donnarumma væri til sölu og væri jafnvel fáanlegur fyrir 40 milljónir evra.

Um er að ræða einn besta markvörð heims en hann átti frábært tímabil með PSG sem vann Meistaradeildina.

,,Það er í forgangi hjá mér að skrifa undir nýjan samning við PSG og ég er ekki að búast við neinum vandamálum í því ferli,“ sagði Donnarumma.

Stórlið í Evrópu verða því líklega að horfa annað en Chelsea og Manchester United eru sögð hafa skoðað stöðu leikmannsins.