Gary Neville sérfræðingur Sky Sports og fyrrum fyrirliði Manchester United fékk mikla trú á Arne Slot þegar hann hitti hann á aðfangadag í fyrra.
Slot var þá að labba um götur Manchester sem stjóri Liverpool en Neville telur það sýna hug hans.
„Ég veit ekki hvort ég hafi sagt þessa sögu áður, en alltaf á aðfangadag þá fer ég og rölti um Manchester. Ég fer inn í Selfridges til að græja síðustu gjafirnar, hver er þangað mættur til Manchester? Arne Slot, hann var þar á annari í kvennadeildinni að skoða skó,“ sagði Neville.
„Hann var með eiginkonu sinni og dóttir, ég labbaði framhjá honum og við ræddum málin í nokkrar mínútur.“
Neville segir að margir atvinnumenn og þjálfarar hugsi öðruvísi en hann segir það ekki réttan hugunarhátt.
„Það sem ég tók fyrst eftir var hversu eðlilegur og umburðarlyndur hann var, þetta sagði mér mikið um hann sem persónu. Það er mikið af leikmönnum og þjálfurum sem byggja þá hugmynd upp að þeir geti ekki farið út.“
„Eiginkona hans og dóttir hafa eflaust stungið upp á þessu, hversu margir hefðu sagt að það væri ekki skynsamlegt fyrir sig að fara í miðborg Manchester sem stjóri Liverpool. Þetta sagði mér mikið um hann því svona hugsaði ég líka.“
„Ég vona samt að hann vinni aldrei aftur fótboltaleik.“
@itscalledsoccerus Gary Neville bumped into Arne Slot on Christmas Eve! 👀🎄 #theoverlap #itscalledsoccer #garyneville #arneslot #liverpool #premierleague #manchester #selfridges #christmaseve ♬ original sound – It’s Called Soccer!
